“Kalaallit oqaasii nalunarput, nutserisumillu suleqateqarnissaq sungiussassaalluni. Nakorsiat sulisullu sungiusimalluarpaat. Arriitsuaqqamik oqaatsinik ilikkagaqallattaavunga soorlu: Illillu, nakorsaq, qujanaq il.il. Malunnarpoq tusarnaartut qiimmaallattartut oqaatsinik ilikkarusussuseqarluni atuigaanni, naak ilassinninniutaaginnaraluartut".
“Sapaatip akunnera ataasiinnaq sulereerlunga qularnarunnaarsivoq suliat immikkuullaringaarmata Ugeskrift For Læger-mi (nakorsat atuagassiaat), aaliangersimasumik allagaqartarsinaagaluarlunga. Maani takusinnaasat tamarmik takussaapput. Nakorsartittunut immikkoortortaqarfinni aatsaat taama allanngorartsigisunik siammasitsigisunillu sulialinnik takuvunga".
Nakorsartittunut immikkoortortaqarfimmi nakorsaq ilinniartoq
Nuliaralu Danmark-miit nuunnissaq sivisuumik eqqarsaatigisarsimavarput. Nuliara Sverige-minngaanneerpoq, marluullutalu København ulapiffigikatallugulu eqqisisimaarneq, ilaqutaqariittut piffisaqarluarneq ukiorlu aputeqarluartoq maqaasillutigu. Periarfissarlu takkuteriasaarmat, isumaqatigiippugut nuunnissamut aaliangiinerput eqqoortuusoq.
Nuunnginnitsinni suliffissannut ulluinnarmullu inuunermut tunngasunut apeqqutissarpassuaqarpunga, suliffeqarfissaralu nuna allamiikkami imaasiallaannaq ornigullunga ilassiartorsinnaanngilanga. Qujanartumik tupaallannaqisumik Hjalte-miik allagarseriasaarpunga. Hjalte uattut atorfeqarpoq taasumalu suliffimmi suleriaatsit nassuiaalluarpaai uangalu suut soqutiginerikka apersuutigalugit. Naak Hjalte attavigivallaanngikkaluariga toqqissisimanarpoq apeqqutissaqalissaguma attavissaqarnera.
Immikoortortaqarfik suliffigisimasanni assigiinngiiaaqisunik suliaqartarsimavugut, kisianni Kalaallt Nunaanni immikoortortaqarfimmi suliffigilikkanni suliassat suli assigiiaannginneroqaat. Sapaatip akunnera ataasiinnaq sulereerlunga qularnarunnaarsivoq suliat immikkuullaringaarmata Ugeskrift For Læger-mi (nakorsat atuagassiaat), aaliangersimasumik allagaqartarsinaagaluarlunga. Maani takusinnaasat tamarmik takussaapput. Nakorsartittunut immikkoortortaqarfinni aatsaat taama allanngorartsigisunik siammasitsigisunillu sulialinnik takuvunga.
Kalaallit oqaasii nalunarput, nutserisumillu suleqateqarnissaq sungiussassaalluni. Nakorsiat sulisullu sungiusimalluarpaat. Arriitsuaqqamik oqaatsinik ilikkagaqallattaavunga soorlu: Illillu, nakorsaq, qujanaq il.il. Malunnarpoq tusarnaartut qiimmaallattartut oqaatsinik ilikkarusussuseqarluni atuigaanni, naak ilassinninniutaaginnaraluartut
Nakorsat kalaallisut oqalussinnaasut amerlanngimmata nutserisutut atorfillit amerlapput
Eqqaanngitsoorsinnaanngilara Kalaallit Nunaata Sinniisoqarfiata ulluni marlunni atorfinitsinneqarsimasunut pikkorissaanerat. Pikkorisaaneq soqutiginarpoq Kalaallit Nunaanni nunanut allanut politikki, aningaasaqarneq taavalu piniartut inuuneq ilaatigut nassuiaanneqarlutik. Pikkorissaaneq pissarsiaqarluarnarpoq isummallu pigiliuutinnakkat allanngortillugit.
Ataatsimut isigalugu suliffeqarfik ingerlalluarpoq, illoqarfik nuannerpoq nunalu assut alutornaqaluni, aqqusaarsimasakka tamaasa ilissinnut kajumissarpakka.
Takuss!
Emil, Nakorsartittunut immikkoortortaqarfimmi nakorsaq ilinniartoq
