Aqutsineq: Kalaalit Peqqissartut Illuat Kalaallit Peqqissartut Illuanni pisortamit aaqqisuussaanikkut Peqqinnissaqarfimmi qullersat ataanni inissisimasumit aqunneqarpoq

Qitiusumik immikkoortortaq 44-it missaannik sulisoqarpoq.

Immikkoortortat: Kalaallit Peqqissartut Illuat immikkoortunut sisamanut avitaavoq. Taakkunani pingasut immikkoortortami peqqissaanermik aqutsisumit imal. immikkoortortami aqutsisumit aqunneqarput.

Immikkoortortami peqqissaanermi aqutsisoq, immikkoortortani aqutsisut, napparsimasut aqqusaartugassaannik ataqatigiissaarinermi allaffissornikkullu ingerlatsinermi sulisut kiisalu viceværti aaqqisuussaanikkut Kalaallit Peqqissartut Illuanni pisortap ataani inissisimapput.
Sulisut allat tamarmik aaqqisuussaanikkut immikkoortortami peqqissaanermik aqutsisup imal. immikkoortortami aqutsisut ataanni inissisimapput.

Peqqissaaneq
Aqutsineq: Immikkoortortaq immikkoortortami peqqissaanermik aqutsisumit aaqqisuussaanikkut Kalaallit Peqqissartut Illuanni pisortap ataani inissisimasumit aqunneqarpoq.

Immikkoortortaq 27-it missaannik sulisoqarpoq.

Suliassaq: Immikkoortortami nakorsaatitortut nakorsaatissaannik agguaaneq, ikinik mattusersuineq/mattutinik taarsersuineq, sullulikkut nerisitsineq, aammik sukuluiaaneq, oqaloqatiginninnerit peqqinnissamullu tunngasutigut siunnersuineq – ilaatigullu isumaginninnermi siunnersortimik oqaloqateqarnerit kiisalu ilinniartitinermut tunngasunik suleqatigiinnernillu ataqatigiissaarineq pilersaarusiornerlu isumagineqarput.

Napparsimasunut tunngatillugu ataqatigiissaarineq allaffissornerlu
Aqutsineq: Immikkoortortaq Kalaallit Peqqissartut Illuanni pisortamit aqunneqarpoq.

Immikkoortortaq arfinillit missaannik sulisoqarpoq.

Suliassaq: Immikkoortortami Danmarkimut Danmarkimiillu angalanissanik ataqatigiissaarineq, napparsimasut aqqusaartugaannik ataqatigiissaarineq kiisalu saaffiginnittarfiup inuttaqartinnissaa- ilaatigullu viceværtip suliassai, soorlu illumik aserfallatsaaliineq, iluarsaaneq kiisalu illup iluani atortussanik pisiniarneq isumagineqarput.

Igaffik
Aqutsineq: Igaffik igaffimmi aqutsisumit aaqqisuussaanikkut Kalaallit Peqqissartut Illuanni pisortap ataani inissisimasumit aqunneqarpoq.

Immikkoortortaq tallimat missaannik sulisoqarpoq.

Suliassaq: Immikkoortortami napparsimasunut qanigisaasunullu tamanut ullormut nerisassanik neriffissallu avtaanni tamulugassanik pilersaarusiornerlu isumagineqarput. Tamatuma saniatigut napparsimasunik immikkut ittunik nerisaqartarialinnik oqaloqatiginninnerit ingerlanneqartarput.

Eqqiaaneq
Aqutsineq: Eqqiaaneq eqqiaanermik aqutsisumit aaqqisuussaanikkut Kalaallit Peqqissartut Illuanni pisortap ataani inissisimasumit aqunneqarpoq.

Immikkoortortaq tallimat missaannik sulisoqarpoq.

Suliassaq: Kalaallit Peqqissartut Illuanni eqqiaaneq errorsinerlu immikkoortortami isumagineqarput.