Sooq Kalaallit Nunaanni ilinniassavit?
Kalaallit Nunaata Peqqinnissaqarfianni nakorsiat , suliassallu piffissaqarfigilluarpagut aammattaaq illit piffissaqarfigilluassavatsigit.
Immikkuullarissumik periarfissaliivugut kulturi allaanerusumi, danskisut oqaluffiusumi sulinissamut. Peqqinnissaqarfimmi akisussaaffeqarnissaq ineriartornissarlu ukkatarivarput. Peqqinnissaqarfimmi suleriaaseq pitsanngorsassagutsigu pingaaruteqarpoq nakorsat ilinniartillugillu pikkorissarnissaannut kivitseqataanissarput.
”Kalaallit Nunaata Peqqinnissaqarfianni ilinniartuuneq periarfissatsialaavoq immikkuullarilluinnartoq. Uanga ilinniariartorninni misigisimavara sulisoqarluarmat nakorsat peqqissaasullu ilinniartitsinissamut ilinniarnissamullu piffissaqarluartut. Angerlarsimaffik ungasikkaluarlugu kiserliunngisaannarpunga tikilluaqqusaajuarlungalu. kalaallit Nunaata Peqqinnissaqarfianni piginnaasatit ineriartortilluaatigalugit inuiaqatigiit Danmarkimiit sungiusimasatsinniit allaanerulaartumik inooriaasillit ilisimanerulersinnaavatit.
Cathrine, Siornatigut nakorsatut ilinniartuunikoq pilatsittunut qitiusumik immikoortortaqarfianni.
International Medical Committee (IMCC) aqqutigalugu nakorsanngorniartut ilinniariartortarnerat
Nakorsanngorniartunut qaammat ataaseq ilinniariartornerit IMCC-mit aaqqissuunneqartarput, naliginnaasumik maj-september nalaani ingerlanneqartarlutik. Dronning Ingridip Napparsimavissuuani, sinerissami qitiusumik napparsimavinni peqqinnissaqarfiinnilu ingerlanneqarsinnaavoq. Ukiumiit ukiumut sumiiffik nikerartarpoq.
Ilinniariartornermi isumagisassat akiligassallu assigiinngitsut ilinniartup nammineq isumagillugillu akilissavaai. Soorlu angalaneq, angalanermi akileraarutit, qaammamut inissiamut akiligassaq, interneti, nerisaqarneq il.il.
Dronning Ingridip Napparsimavissuaani nakorsatut ilinniariartoraanni Kalaallit Nunaata Peqqinnissaqarfia aqqutigalugu inissiamik neqeroorfigitittarput. Peqqinnissaqarfik sapinngisamik ilinniariartut nuussuarmi inissiami tallimanik sinittarfilimmi inissinniaaluttarpai. Immikkut sinittarfeqassapput. Napparsimavimmut pisunneq akunneq affaa missaani sivisussuseqarpoq busseqarluni akunneq ataaseq ingerlanerani arlaleriaq saneqquttartunik.
Ugguuna qinnuteqarit :HR@peqqik.gl
Siusissumi nakorsanngorniat pikkorissarnerat
Pikkorissarneq ullut arfineq marluni sivisussuseqarpoq. Marlunnik inissaqarpoq, siulleq Nakorsartittut Immikkoortortaqarfianni aappaa Pilatsittunut Immikkoortortaqarfimmi. Nakorsanngorniartup ilisimatusarfimminiik akuersiissut akisussaaffigaa qulakkeeqqaarnissaa.
Nakorsanngorniat tamarmik Kalaallit Nunaata Peqqinnissaqarfianni sulerusuttut CV-mik qinnuteqaammillu nassiussissapput, taakku najoqqutaralugit inissat marluk agguataarneqartarlutik.
Pikkorissariarneq atatillugu isumagisassat akiligassallu assigiinngitsut nakorsanngorniap nammineq isumagillugillu akilissavaai. Soorlu angalaneq, angalanermi akileraarutit, qaammamut inissiamut akiligassaq, interneti, nerisaqarneq il.il.
Ugguuna qinnuteqarit: www.imcc.dk
Nakorsanngorniat tunngaviusumik ilinniagaat (KBU)
Kalaallit Nunaata Peqqinnissaqarfia aqqutigalugu nakorsap tunngaviusumik ilinniagaa Dronning Ingridip Napparsimavissuani periarfissaritinneqarpoq.
Ilinniagaqarneq qaammatini arfinilinni siullerni naliginnaasumik nakorsaanermik nakorsartitttut immikkoortortaqarfianni ingerlanneqartarpoq. Qaammatit arfinillit tullii nappaatinut nakorsaatinik nakorsagassanut nakorsartittut immikkoortortaqarfianni ingerlanneqartarluni. Katillugu ukioq ataaseq Dronning Ingridip Peqqissaaviani ilinniartarput.
Kalaallit Nunaata Peqqinnissaqarfia inissiaq angalanermullu akileraarutit akilissavaat.
Atorfiit ukioq affakkaarlugit saqqummiunneqartartput ugguuna: www.gjob.dk
Aallarniutitut atorfik (I-stilling)
Aallarniutitut atorfik ukioq ataatsimik sivisussuseqarput, napparsimaviup peqqinnissaqarfillu iluani ingerlanneqartarpoq taaavalu qaammatit arfinillit naliginnaasumik nakorsaanermi immikkoortortaqarfianni ingerlanneqartarpoq (Naliginnaasumik nakorsaanermi tunngaviusumik ilinniagaqarneq ingerlassimagukku). Kalaallit Nunaata Peqqinnissaqarfia immikoortortaqarfiit ukunani aallarniutitut atorfiit ingerlanneqarsinnaapput:
Naliginnaasumik nakorsaaneq - Tunngaviusumik ilinniagassaq ingerlanneqareersimappat qaammatit arfinillit aallarniutitut atorfeqartarput, ingerlassimanngikkaanni qaamatit aqqaneq marluk. Aallarniutitut atorfik Dronning Ingridip Peqqissaaviani (inissat 3-4), Ilulissani Qitiusumik Napparsimavimmi (inissat 2) imaluunnit Sisimiuni Qitiusumik Napparsimavianni ingerlanneqarsinnaapput.
Nappaatinut nakorsaatinik nakorsaaneq -Atorfik una nakorsartittut immikkoortortaqarfianni nuummi qaammatini aqqaneq marlunni ingerlanneqartarluni. Aallarniutitut atorfiit marluk-pingasut neqeroorutigisarpagut.
Pilattaalluni nakorsaaneq - Aamma una aallarniutitut atorfik Dronning Ingridip Napparsimavissuaani inissisimavoq, pilatsittut qitiusumik immikkoortortaqarfianni. aallarniutitut atorfik qaamatini aqqaneq marlunni sivisussuseqarpoq. Atorfiit ataaseq marlulluunniit neqeroorutigisarpagut.
Gynækologii naartusoqarfillu - Atorfik una qaammatini arfinilinni sivisussuseqarpoq, kisianni suliamut piginnaasat tamakkiisut ilikkarnissaai periarfissaanngimmat immikkoortortaqarfimmi allami aamma atorfeqartariaqarpoq. Kaammattuutigineqarpoq qaammatini aqqaneq marlunni atorfinitsinneqarnissaq, taakkunani qaammatit arfinilliit aallarniutitut atorfimmi. Atorfimmi uani atorfinitsinneqarniaraanni Danmarkimi immikkoortortaqarfik qaammatit arfinillit suliffigisinnaanissaa isumaqatigiissut inisseqqaartariaqarpoq.
Inuiaqatigiit peqqissusaat - Inuiaqatigiit peqqissusaani immikkoortotaqarfimmi atorfik ataaseq neqeroorutigineqartarpoq. Immikkoortortaqarfik Nunatta Nakorsaaneqarfimmi inissisimavoq. Atorfik qaammatini aqqaneq marlunni sivisussuseqarpoq.
Kalaallit Nunaata Peqqinnissaqarfia inissaqarneq angerlanerlu isumagissavaat.
Qitiusumik ilinniagaqarneq
Soorlu aallarniutitut atorfiinik Kalaallit Nunaata Peqqinnissaqarfia inissaqartitsisoq, immikkoortortaqarfinni arlalinni qitiusumik ilinniagaqarnissamut periarfissaqartitsipput. Naliginnaasumik nakorsaanermi ilinniarneq tamakkiisumik ingerlanneqarsinnavoq aammattaaq ilinniarneq ilaa nappaatinut nakorsaatinik nakorsagassat immikkoortortaqarfianni ingerlanneqarsinnaalluni.
Naliginnaasumik nakorsaanermi ilinniagaq qaammatini 54-ni sivisussuseqarpoq. Qitiusumik ilinniagaqarneq immikkoortortaqarfiit assigiinngitsuni agguataarneqartarpoq. Piffissap ilaa, naliginnaasumik immikkoortortaqarfimmi, pilatsittut immikkoortortaqarfianni taavalu tarnimikkut nappatillit Dronning Ingridip Peqqissaavianni immikkoortortaqarfimmi ingerlanneqartarluni. Ilinniarnermik immikkoortoq kingulleq Sisimiuni, Aasianni, Qaqortumi Ilulissaniluunniit qitiusumik napparsimavianni ingerlanneqartarluni.
Ukiumut qitiusumik ilinniartut marluk tiguneqartarput.
Qitiusumik ilinniartussarsiornerit ugguuna allagarsiissutigineqartarput: www.gjob.dk
Nappaatinut nakorsaatinik nakorsagassat Dronning Ingridip Napparsimavissuaani nakorsartittut immikkoortortaqarfianni qititusumik ilinniagaqarnissamik inissaqartitsipput. Naliginnaasumik qaammatini arfinilinni sivisussuseqartarpoq.
Pilatsittunut immikoortortaqarfik Dronning Ingridip Napparsimavissuaani qitiusumik ilinniagaqarnissamut qaammatini aqqaneq marlunni marloriaq periarfissaavoq.
Gynækoloogi og naartusullu immikkoortortaqarfiat– Maani periarfissaavoq gynækoloogi qitiusumik ilinniagaa qaammatini arfinilinni marloriaq ingerlataqarnissaq. Aammattaaq qaammatini arfinilinni pilattaasartutut.
Kalaallit Nunaata Peqqinnissaqarfia inissaqarneq angalanerlu isumagissavaa.
Qitiusumik ilinniartussarsiorneq ingerlaatumik pisarpoq ugguuna: www.gjob.dk
