Inissiaq angalanerlu
Kalaallit Nunaanni atorfinitsinneqarnernut atatillugu inissiamik tunineqarsinnaavutit, atorfinitsinniarnermut allagartami ilanngunneqarsimappat.
Illoqarfiit ilaanni inissiamik tunineqarnissamut utaqqineq sivisusarmat, naatsorsuutigissavat utaqqiisaagallartumik inissiamut inissinneqarallarsinnaassasutit. Utaqqiisaagallartumik inissiami najugaqartillutit ineqarnermut imeqarnermullu akiliissanngilatit. Ineqarnermut akiliut sumiiffik inissiallu angissusaa apeqqutaalluni nikerarpoq. Inissiaq nammineq aaliangerneqarsinnaanngilaq.
Inissiat assigiinngeqaat soorlu qisummit illuliat, betonngimit illuliat, illullu nutaaliaanerusut.
Kalaallit Nunaanni Peqqinnissaqarfik atorfinitsinneqarninni angalaneq akilissavaat.
Sillimasiineq
Sulitillutit Danmarkimituut sulisitsisuppit sillimaseqqassavaatit.
Sillimasiinerit allat nammineq akisussaaffigivatit. Sunngiffimmi- ajutoorsinnaanermullu sillimmasernissaq aamma angalanermi sillimmat kaammattuutitgaarput. Siunnersuutigaarputtaaq Danmarkimi sillimmasiisarfiit oqaloqatigilluassagit paasiniarlugu Danmarkimi sillimmatitit Kalaallit Nunaanni atuutinnersoq.
Napparsimalissagaluaruit Kalaallit Nunaanni innuttaasutulli isumagineqassaatit. Naatsorsuutigissanngilalli Danmarkiliaanneqarnissat, immikkut sillimmaserneqarsimanngikkuit.
Annertunerusumik napparsimalissagaluaruit napparsimavinnilu isumagineqarsinnaanak nuummukaanneqassaatit immaqaluunniit Rigshospitalet.
Peqqissaasut sulisinnaatitaanerat sulinerallu pillugit Kalaallit Nunaanni Inatsisartut peqqussutaat nr. 7 oktobarip 30-ani 1995-imeersoq naapertorlugu peqqissaasut kalaallit Nunaanni sulisinnaatitaanermut uppernarsaatillit kisimik Kalaallit Nunaanni peqqissaasutut sulisinnaapput.
Kalaallit Nunaanni peqqissaasutut sulisinnaatitaanermut uppernarsaammik pissarsiniarluni qinnuteqaat Nunatsinni Nakorsaaneqarfimmut nassiunne-qassaaq.
Uppernarsaasinnaanermut piumasaqaat:
Kalaallit Nunaanniit: Peqqissaasut Kalaallit Nunaanni ilinniarsimasut Peqqissaasutut Ilinniartitaanermi Peqqissutsimullu Ilisimatusarnermi Instituttimi Peqqissaanermik Ilisimatusarfik, ilinniakkamik angusilluni naammassinnissimanermik uppernarsaasussaq aqqutigalugu, Kalaallit Nunaanni peqqissaasutut sulisinnaatitaanermut uppernarsaammik qinnuteqassapput.
Nunanit Avannarlerniit: Peqqissaasut Nunat Avannarliit arlaanneersumik sulisinnaatitaanermut uppernarsaatillit, Kalaallit Nunaata tamanna pillugu Nunat Avannarliit isumaqatigiissutaannut akuerseqataanera pissutigalugu, qinnuteqarnikkut Kalaallit Nunaanni peqqissaasutut sulisinnaatitaanermut uppernarsaatitaarsinnaatitaapput.
Sulisinnatitaaneq (Peqqissaasut)
Nakorsat sulisinnaatitaanerat
Kalaallit Nunaanni nakorsatut atorfeqarniaraanni danskit sulisinnaatitaanermut allagartaat taavalu danskit cpr-nr. pisariaqaataavoq.
Akileraartaneq
Akileerartaneq pillugu Kalaallit Nunaat Danmarkimiit "nuna alla" ataani taakkartugaavoq. Kaammattuutigeqqinnaasavarput atorfinitsitaq akileraartarnermut tunngasut pillugit paasiniaaqqinnaassasoq. Kalaallit Nunaanniinni tamakkiisumik killilimmilluunniit akileraartussaatitaasinnaavutit.
Killilimmik akileraatussaatitaassaatit annerpaamik qaammatit arfinillit Kalaallit Nunaannissaguit. Killilimmik akileraartussaatitaaneq isumaqarpoq Kalaallit Nunaannut Danmarkimullu akileraartussaatitaaneq. Assersuut: Danmarkimi kommunemi najugaqaruit 45%-mik akileraartarlutit taava 42% kalaallit akileraarutaat saniatigut 3% Danmarkimut akileraarutigissavat.
Pisariuppalukkaluartoq taama pisariutsiginngilaq, ikiortissaqaqaarli. Akileraartarneq pillugu apeqqutissaqaruit attavissaq:
Kalaallit Nunaata Sinniisoqarfia
Strandgade 91
1401 København K
Mail: info@ghsdk.dk
Tlf. +45 3283 3800
