Qaqutigoortumik apeqqutigineqartartut
Inunnik nalunaarsuisarfik?
Kommuni nutserfigisannut inunnik nalunaarsuisarfimmut nalunaarutigissaatit, tassanilu najugaqarnermut uppernarsaammik tunineqassallutit. Kommune nutserfigisat allattorsimaffimmiit piissavaatit.
Napparsimalersinnaanermut sillimmasigaanermut allagartaq nassartariaqarpa?
Kalaallit Nunaanni napparsimalersinnaanermut sillimasigaanermut allagartaq atugaanngimmat, Kalaallit Nunaanni najugaqartillutit Danmarkimut angalassaguit najugaqarnermut uppernarsaat nassassavat. Najugaqarnermut uppernarsaat najugaqarfimmi kommunimiit pissarsiarisinnaavat.
Kalaallit Nunaanni biilersinnaavunga?
Ilisimassavat Danmark-miit ingerlatsisinnaanermut allagartat tikinnermiit qaammatini pingasuinnarni atuuttoq. Politiini Danmark-miit ingerlatsisinnaanermik allagartat takutillugu, 250 kr-millu akiliillutit kalaallit ingerlatsisinnaanermut allagartaanik pisisinnaavutit.
Kalaallisut oqalussinnaanngilanga?
Kalaallit oqaasii pisortatigoortumik oqaasiupput, suleriaaserli danskisut ingerlalluni, allattariarsornikkut oqaluunnikkullu. Kalaallit amerlanersaat danskisut paasisinnaapput. Nakorsiaq danskisut paasisinnaanngippat peqqinnissaqarfimmi sulisoq nutserisoqarnissaa periarfissaavoq.
Timmisartorneq qanoq sivisutigiva?
Københavnimiit Kangerlussuarmut akunnerit sisamat affarlu sivisussuseqarpoq. Timmisartut Kalaallit Nunaat avataanersut tamagajammik Kangerlussuarmut mittarput, tassanngaanniillu ingerlariaqqiffissaqarpoq soorlu ilulissanut timmisartorneq akunneq ataaseq. Aammattaaq Rejkjavik, Island-miit Kalaallit Nunaannukarsinnaavutit.
Kalaallit Nunaat qanoq kiassuseqarpa?
Kalaallit Nunaanni kiassuseq ukiup ilaa malillugu allanngorattarpoq. Kalaallit Nunaanni silaannaq isugutanngimmat, kiassuseqarpianngikkaluartoq kiannerusutut misiginartarpoq. Tujuuluaqqat qarleeqqallu aasakkut naliginnaapput. Aasaanerani tikeraartut amerlanersaat kianaarsisarput. Iluliat eqqaani angalaassagaanni oqortunik atisaqarneq, nasaqarneq taavalu aaqqateqarnissaq innersuukkuminarpoq. Agguataartillugu aasaanerani kiassuseq 10 anguneqarpiarneq ajorpoq.
Silaannaq isuguttanngitsoq ukiuunerani nillissuseq annertugaluartoq, nillerpianngitutut misigititsisarpoq nunat isugutannerusunut sanilliullugu. Angalatinnikuusagut arlallit oqaluttuarisarpaat nillissuseq 15 imaluunniit 20 nillerpianngitsutut misigisimagaat.
Pingaaruteqarporli erseqqisassallugu Kalaallit Nunaanni ukioq nillertuusoq, atisalersorluarnissaq pingaarpoq.
Internetimi?
Sumiiffiit amerlanersaat WIFI pisiarisinnaavat. Ilisamassavalli internet Kalaallit Nunaanni akisusoq, aamma oqarasuaat angallataganniit, taamaammat data ikumatinnerit nakkutigilluariuk.
Mittarfimmiit qanoq najugaqarfissannut apuutissaanga?
Amerlanertigut mittarfimmiit najugaqarfissamut apuunneqartarput. Ulloq tikiffik nallinnginnerani mittarfimmiit inissiamut apuunneqarnissaq pillugu paasissutissat taavalu inissiamut paasissutissat nassiunneqareertarput.
Oqarasuaat angallatagara Kalaallit Nunaanni atorsinnaavara?
Kalaallit Nunaanni TELEPOST attaveqaqatigiinnermut kisermaassisuupput. Danskit oqarasuaatinut abonnementii ataasiakkaat Kalaallit Nunaanni atorneqarsinnaapput, atassusiisarfiit paasiniaaffigiuk immaqaluunniit TELEPOST paasiniaaffigiuk.