Aqutsisut: Nakorsartittunut qitiusumik immikkoortumi aqutsisut tassaapput nakorsaanertut pisortaq peqqissaasuunertullu pisortaq. Qitiusumik immikkoortumi pisortat aaqqisuussaanikkut ataatsimoorlutik Peqqinnissaqarfimmi qullersat ataanni inissisimapput.
Qitiusumik immikkoortoq 77-it missaannik sulisoqarpoq.

Immikkoortortat: Nakorsartittunut qitiusumik immikkoortoq uninngavinnut M1-imut M2-mut immikkullu nakorsiartitsivimmut immikkoortitigaavoq. Immikkoortortat taakku immikkut tamarmik peqqissaanermik aqutsisumit aqunneqarput.
Nakorsat immikkoortortanilu peqqissaanermik aqutsisut aaqqisuussaanikkut qitiusumik immikkoortumi pisortat ataanni inissisimapput.
Sulisut allat tamarmik aaqqisuussaanikkut peqqissaanermik aqutsisup ataani inissisimapput.

Immikkoortortaq M1
Aqutsineq: Immikkoortortaq immikkoortortami peqqissaanermik aqutsisumit aaqqisuussaanikkut qitiusumik immikkoortumi pisortat ataanni inissisimasumit aqunneqarpoq.

Immikkoortortaq 21-it missaannik sulisoqarpoq.

Suliassat: M1 nalinginnaasumik nakorsaanermi immikkoortortaavoq nappaatinut tuniluuttunut-, kræftimik nappaatilinnik katsorsaanermik aseruuttoornernillu immikkut ilisimasaqarfik.

Immikkoortortaq M2
Aqutsineq: Immikkoortortaq immikkoortortami peqqissaanermik aqutsisumit aaqqisuussaanikkut qitiusumik immikkoortumi pisortat ataanni inissisimasumit aqunneqarpoq.

Immikkoortoraq 21-it missaannik sulisoqarpoq.

Suliassat: M2 nappaatinut nakorsaatinik nakorsagassanut immikkoortortaavoq, meeqqat nappaataannik, tartukkut nappaatinik uummatikkullu nappaatinik immikkut ilisimasaqarfik.

Nakorsartittunut immikkut nakorsiartitsivik
Aqutsineq: Immikkoortortaq immikkoortortami peqqissaanermik aqutsisumit aaqqisuussaanikkut qitiusumik immikkoortumi pisortat ataanni inissisimasumit aqunneqarpoq.

Immikkoortortaq 17-it missaannik sulisoqarpoq.

Suliassat: Nakorsartittunut immikkut nakorsiartitsivik napparsimasunut misissugassanut, nakkutigisassanut angerlarsimaffimmiillu nakorsagassanut misissugassanullu nakorsiartitsiviuvoq. Tamatumani ilaapput TB-mik nappaatilinnut immikkut nakorsiartitsivik nakorsartittunullu ulluvik, kræftimik nappaatilinnik kemo atorlugu nakorsartittarfik gigtertunullu immikkut nakorsaatit atorlugit nakorsartittarfik.