Aqutsineq: Nappaatinik suussusersiniaanermi timimillu sungiusaanermi /pillorissaanermi qitiusumik immikkoortoq pisortamit aaqqisuussaanikkut Peqqinnissaqarfimmi qullersat ataanni inissisimasumit aqunneqarpoq.
Qitiusumik immikkoortoq 44-it missaannik sulisoqarpoq.

Immikkoortortat: Nappaatinik suussusersiniaanermi timimillu sungiusaanermi/pillorissaanermi qitiusumik immikkoortoq timimik sungiusaavimmut/pillorissaavimmut, qinnguartaavimmut qitiusumillu aaviisarfimmut immikkoortitigaavoq. Immikkoortortat taakku immikkut tamarmik aqutsisoqarput.

Nakorsat immikkoortortanilu aqutsisut aaqqisuussaanikkut qitiusumik immikkoortumi pisortat ataanni inissisimapput.
Sulisut allat tamarmik aaqqisuussaanikkut immikkoortortami aqutsisup ataani inissisimapput.

Timimik sungiusaavik/pillorissaavik

Aqutsineq: Immikkoortortaq timimik sungiusaanermi/pillorissaanermi aqutsisumit aaqqisuussaanikkut qitiusumik immikkoortumi pisortap ataani inissisimasumit aqunneqarpoq.

Immikkoortortaq 18-it missaannik sulisoqarpoq.

Suliassat: Pillorissaasut/timimik sungiusaasut napparsimasunik nappaammut atatillugu piginnaasaminnik annaasaqarsimasunik siunnersuisarput, katsorsaasarput, piginnaanngorsaaqqittarput siunnersuisarlutillu. Tamatuma saniatigut nerisaqarnermut siunnersorti nerisat pissusisamisoortumik allanngortinnissaannut ilitsersuisarpoq. Uninngasut angerlarsimasullu immikkoortortamit takuneqartarput.

Qinnguartaavik
Aqutsineq: Qinnguartaavik qinnuartaasartutut aqutsisumit aaqqisuussaanikkut nappaatinik suussusersiniaanermi timimillu sungiusaanermi/pillorissaanermi qitiusumik immikkoortumi pisortap ataani inissisimasumit aqunneqarpoq.

Immikkoortortaq aqqanillit missaannik sulisoqarpoq.

Suliassat: Qinnguartaavik Dronning Ingridip Napparsimmmavissuani immikkoortortanut immikkullu nakorsiartitsivinnut assigiinngitsunut qinnguataalluni assilisanik misissuinernik- ilaatigut qinnguartaalluni assiliinernik, CTscanner, MRscanner Ultralyd-ilu atorlugit misissuinernik seqersitsinernik ivianginillu qinnguartaalluni assiliinernik ingerlatsiviuvoq, kiisalu nunarput tamakkerlugu qitiusumik napparsimmavinnik peqqissaavinnillu ikorfartuisuulluni (supervision).

Qitiusumik aaviisarfik
Aqutsineq: Qitiusumik aaviisarfik aaviisartutut aqutsisumit aaqqisuussaanikkut nappaatinik suussusersiniaanermi timimillu sungiusaanermi/pillorissaanermi qitiusumik immikkoortumi pisortap ataani inissisimasumit aqunneqarpoq.

Immikkoortoq 14-it missaannik sulisoqarpoq.

Suliassaq: Qitiusumik aaviisarfimmi uumassusullit sananeqaataat timillu sulinerani akuusunik inuullu nappaatinut akiuussinnaassusaanik misissueqqissaarnerit-ilaatigut aaviinerit, aalersuutissanik aaviaanerit, uummatisiuinerit (EKG), aakkut nappaatinik nakorsaatitukkanillu misissueqqissaarnerit isumagineqarput. Tamatuma saniatigut nunarput tamakkerlugu qitiusumik napparsimmavinnik peqqissaavinnillu ikorfartuisuulluni (supervision).