Aqutsineq: Pilatsittunut qitiusumik immikkoortumi aqutsisut tassaapput nakorsaanertut pisortaq peqqissaasuunertullu pisortaq. Qitiusumik immikkoortumi pisortat aaqqisuussaanikkut ataatsimoorlutik Peqqinnissaqarfimmi qullersat ataanni inissisimapput.
Qitiusumik immikkoortoq 109-it missaannik sulisoqarpoq.

Immikkoortortat: Pilatsittunut qitiusumik immikkoortoq uninngavinnut K1, K2, K3, pilatsittunut immikkut nakorsiartitsivimmut ernisarfimmullu immikkoortitigaavoq. Immikkoortortat taakku- ernisarfiup ernisussiornermi juumuutut aqutsisumit aqunneqartup saniatigut- tamarmik immikkut immikkoortortami peqqissaanermik aqutsisumit aqunneqarput.

Immikkoortortaq K1
Aqutsineq: Immikkoortortaq immikkoortortami peqqissaanermik aqutsisumit aaqqisuussaanikkut qitiusumik immikkoortumi pisortat ataanni inissisimasumit aqunneqarpoq.
Immikkoortortaq 18-it missaannik sulisoqarpoq.
Suliassaq: K1 saanertigut naggussatigullu nappaatilinnut siutimikkut, qinngamikkut toqqusaamikkullu nappaatilinnut immikkoortortaavoq.

Immikkoortortaq K2
Aqutsineq: K2 immikkoortortami peqqissaanermik aqutsisumit aaqqisuussaanikkut qitiusumik immikkoortumi pisortat ataanni inissisimasumit aqunneqarpoq.
Immikkoortortaq 18-it missaannik sulisoqarpoq.
Suliassaq: K2 nerisat arroriartortarfiisigut quullu aqqutaagut nappaatilinnut immikkoortortaavoq.

Immikkoortortaq K3
Aqutsineq: K3 immikkoortortami peqqissaanermik aqutsisumit aaqqisuussaanikkut qitiusumik immikkoortumi pisortat ataanni inissisimasumit aqunneqarpoq.
Immikkoortortaq 20-it missaanik sulisoqarpoq.
Suliassat: K3 arnanut ilumikkut nappaatilinnut/naartusunut/ernisunullu immikkoortortaavoq.

Pilatsittunut immikkut nakorsiartitsivik
Aqutsineq: Immikkut nakorsiartitsivik immikkoortortami peqqissaanermik aqutsisumit aaqqisuussaanikkut qitiusumik immikkoortumi pisortat ataanni inissisimasumit aqunneqarpoq.
Immikkoortortaq qulit missaannik sulisoqarpoq.
Suliassat: Pilatsittunut immikkut nakorsiartitsivimmi immikkoortuni assigiinngitsuni pilatsinnginnermi misissuinerit, nakkutilliinerit pilatsereernermilu nakorsartinneq neqeroorutaapput.

Ernisarfik
Aqutsineq: Immikkortortaq juumuumit ernisussiornermi aqutsisumit aaqqisuussaanikkut qitiusumik immikkoortumi pisortat ataanni inissisimasumit aqunneqarpoq.
Immikkoortortaq 15-it missannik sulisoqarpoq.
Suliassat: Naartunermi nakkutilliinerit, erninissamut piareersarneq, ernisunik ernerlaanillu nakkutilliineq ernisarfimmit isumagineqarput. Ernisussat Maniitsuminngaanneersut, Peqqinnissaqarfik Sermersuumeersut (Tasiilaq nunaqarfittaalu ilanngunnagit) nunalu tamakkerlugu naartusut mianersorfissallit ernisarfimmit isumagineqarput.