Aqutsineq: Pinasuagassanut qitiusumik immikkoortumi aqutsisut tassaapput nakorsaanertut pisortaq peqqissaasuunertullu pisortaq. Qitiusumik immikkoortumi pisortat aaqqisuussaanikkut ataatsimoorlutik Peqqinnissaqarfimmi qullersat ataanni inissisimapput.
Qitiusumik immikoortoq 68-it missaannik sulisoqarpoq.

Immikkoortortat: Pinasuagassanut qitiusumik immikkoortoq Peruluttunik nakkutilliivimmut, peruluttut uninngavianeereersunut nakkutilliivimmut, sinititsisarfimmut pilattaavimmullu immikkoortitigaavoq. Immikkoortortat taakku tamarmik immikkoortortami peqqissaanermik aqutsisumit aqunneqarput.
Nakorsat, immikkoortortanilu peqqissaanermik aqutsisut aaqqisuussaanikkut qitiusumik immikkoortumi pisortat ataanni inissisimapput.
Sulisut allat tamarmik aaqqisuussaanikkut immikkoortortami peqqissaanermik aqutsisup ataani inissisimapput.

Peruluttunut immikkoortortaq
Aqutsineq: Immikkoortortaq peqqissaanermik aqutsisumit aaqqisuussaanikkut qitiusumik immikkoortumi pisortat ataanni inissisimasumit aqunneqarpoq.
Immikkoortortaq 22-it missaannik sulisoqarpoq.
Suliassat: Peruluttunik nakkutilliivimmi pinarsuartumik nakorsartariallit inuunerat navianartorsiortoq, taakkununnga ilaallutik inorlutik inuusut, nakorsartillutillu nakkutigineqarlutillu paaqqutarineqartarput.

Peruluttut uninngavianeereersunik nakkutilliivik
Aqutsineq: Nakkutilliivik peqqissaanermik aqutsisumit aaqqisuussaanikkut qitiusumik immikkoortumi pisortat ataanni inissisimasumit aqunneqarpoq.
Immikkoortortaq 14-it missaannik sulisoqarpoq.
Suliassat: Puruluttut uninngaviannereersunik nakkutilliivik tassaavoq nakorsaatit atorlugit nakorsartittunik uummaluutilinnillu, timip pisataasa arlaata suliunnaarneranik peruluuteqarsimasunik sulili qaangiivissimanngitsunik nakkutiliivik nakorsaavillu.

Sinititsisarfik
Aqutsineq: Sinititsisarfik peqqissaanermik aqutsisumit aaqqisuussaanikkut qitiusumik immikkoortumi pisortat ataanni inissisimasumit aqunneqarpoq.
Immikkoortortaq 16-it missaannik sulisoqarpoq.
Suliassaq: Immikkoortortaq pilattaanerni assigiinngitsorpassuarni sinititsinermik suliaqarpoq. Pilatsereersunik nakkutilliivik pilatsittunullu ullivik- pilatsittussanut pilatsereersunullu, qaratsamikkut qupinnguallatitanut, uummammikkut qupinnguallatitanut il.il. nakkutilliiviuvoq.
Nunatsinni sumiiffinnit tamanit Dronning Ingridip Napparsimmavissuanut kiisalu Danmarkimut Islandimullu uterlugulu pinasuartumik peruluttunik angallassinerit sinititsisarfimmit isumagineqarput.

Pilattaavik
Aqutsineq: Pilattaavik peqqissaanermik aqutsisumit aaqqisuussaanikkut qitiusumik immikkoortumi pisortat ataanni inissisimasumit aqunneqarpoq.
Immikkoortortaq 15-it missaannik sulisoqarpoq.
Suliassaq: Napparsimmavissuarmi pilattaanermi peqqissaasutut sullissineq nakorsaanerillu immikkut ilisimasallit nuna tamakkerlugu angalanerini peqataaneq pilattaavimmit isumagineqarput. Tamatuma saniatigut tappiorannartuiaavik/tunillannartuiaavik - pilattaanermi pilatsittunullu immikkut nakorsiartitsivimmi atortunik tappiorannartuiaanermik isumagisalik pilattaavimmut atavoq.