Aqutsineq: Peqqinnissaqarfik Disko qitiusumik immikoortumi pisortanit tassaasunit nakorsatut pisortaasumit peqqissaasutullu pisortaasumit aqunneqarpoq. Qitiusumik immikkoortortami pisortat aaqqisuussaanikkut ataatsimoorlutik Peqqinnissaqarfimmi qullersat ataanni inissisimapput.

Qitiusumik immikkoortoq 120-it missaannik sulisoqarpoq.

Immikkoortortat: Qitiusumik immikkoortoq Aasianni qitiusumik napparsimmavimmik Kangaatsiami, Qasigiannguani Qeqertarsuarmilu peqqissaavinnik illoqarfiillu taakku nunaqarfiinik immikkoortortaqarpoq.

Qitiusumik immikkoortumi nakorsat, immikkoortortani peqqissaanermik aqutsisut, angerlarsimaffinni peqqissaasut, meeraaqqerisut, juumuut, tarnimikkut nappaatilinnik sullissisut, aviisartoq, timimik sungiusaasut pillorissaasullu tamarmik aaqqisuussaanikkut qitiusumik immikkoortumi pisortat ataanni inissisimapput. Sulisut allat tamarmik aaqqissuussaanikkut immikkoortortami peqqissaanermik aqutsisup ataani inissisimapput.

Aasianni qitiusumik napparsimmavik

Aqutsineq: Aasianni qitiusumik napparsimmavik qitiusumik immikkoortumi peqqissaasutut pisortamit nakorsatullu pisortamit aqunneqarpoq

Immikkoortortat: Aasianni qitiusumik napparsimmavik marlunnik immikkoortortaqarpoq; immikkoortortaq uninngavik nakorsiartitsivillu tamarmik immikkut peqqissaanermik aqutsisumit aqunneqartut. Tamatuma saniatigut nunaqarfinnut akisussaasumik peqqissaanermik aqutsisoqarpoq.

Qitiusumik napparsimmavik 70-it missaannik sulisoqarpoq.

Qitiusumik napparsimmavimmi nakorsat immikkoortortanilu peqqissaanermik aqutsisut aaqqisuussaanikkut qitiusumik immikoortumi pisortat ataanni inissisimapput. Sulisut allat tamarmik aaqqisuussaanikkut immikkoortortami peqqissaanermik aqutsisup ataani inissisimapput.

Tamatuma saniatigut nunaqarfiit arfineq pingasut Aasianniit sullinneqarput. Nunaqarfinni sulisut aaqqissuussaanikkut peqqissaanermik aqutsisup nunaqarfinnut akisussaasup ataani inissisimapput.

Kangaatsiami peqqissaavik

Aqutsineq: Peqqissaavik immikkoortortami peqqissaanermik aqutsisumit aaqqisuussaanikkut qitiusumik immikkoortumi pisortat ataanni inissisimasumit aqunneqarpoq.

Peqqissaavik tallimat missaannik sulisoqarpoq.

Sulisut aaqqisuussaanikkut immikkoortortami peqqissaanermik aqutsip ataani inissisimapput.

Qeqertarsuarmi peqqissaavik

Aqutsineq: Peqqissaavik immikkoortortami peqqissaanermik aqutsisumit aaqqisuussaanikkut qitiusumik immikkoortumi pisortat ataanni inissisimasumit aqunneqarpoq.

Peqqissaavik 16-it missaannik sulisoqarpoq.

Sulisut aaqqisuussaanikkut immikkoortortami peqqissaanermik aqutsip ataani inissisimapput.

Qasigiannguani peqqissaavik

Aqutsineq: Peqqissaavik immikkoortortami peqqissaanermik aqutsisumit aaqqisuussaanikkut qitiusumik immikkoortumi pisortat ataanni inissisimasumit aqunneqarpoq.

Peqqissaavik 14-it missaannik sulisoqarpoq.

Sulisut aaqqisuussaanikkut immikkoortortami peqqissaanermik aqutsip ataani inissisimapput.