Aqutsineq: Peqqinnissaqarfik Qeqqa qitiusumik immikoortumi pisortanit tassaasunit nakorsatut pisortaasumit peqqissaasutullu pisortaasumit aqunneqarpoq. Qitiusumik immikkoortortami pisortat aaqqisuussaanikkut ataatsimoorlutik Peqqinnissaqarfimmi qullersat ataanni inissisimapput.

Qitiusumik immikkoortortaq 129-it missaannik sulisoqarpoq.

Immikkoortortat: Qitiusumik immikoortoq Sisimiuni qitiusumik napparsimmavimmik kiisalu Maniitsumi peqqissaavimmik taakkulu nunaqarfittaannik immikkoortortaqarpoq.

Qitiusumik immikkoortumi nakorsat, immikkoortortani peqqissaanermik aqutsisut, angerlarsimaffinni peqqissaasut, meeraaqqerisut, juumuut, tarnimikkut nappaatilinnik sullissisut, aviisartoq, timimik sungiusaasut pillorissaasullu tamarmik aaqqisuussaanikkut qitiusumik immikkoortumi pisortat ataanni inissisimapput. Sulisut allat tamarmik aaqqissuussaanikkut immikkoortortami peqqissaanermik aqutsisup ataani inissisimapput.

Sisimiuni qitiusumik napparsimmavik

Aqutsineq: Sisimiuni qitiusumik napparsimmavik qitiusumik immikkoortumi peqqissaasutut pisortamit nakorsatullu pisortamit aqunneqarpoq.

Immikkoortortat: Sisimiuni qitiusumik napparsimmavik pingasunik immikkoortortaqarpoq; nakorsiartitsivik immikkoortortarlu uninngavik, tamarmik immikkut immikkoortortami peqqissaanermik aqutsisumit aqunneqartut kiisalu ingerlatsinermi immikkoortortaq immikkut aqutsisulik.

Qitiusumik napparsimmavik 73-it missaannik sulisoqarpoq.

Qitiusumik napparsimmavimmi nakorsat, immikkoortortani peqqissaanermik aqutsisut ingerlatsinermilu aqutsisoq aaqqisuussaanikkut qitiusumik immikkoortumi pisortat ataanni inissisimapput. Sulisut allat tamarmik aaqqisuussaanikkut immikkoortortami peqqissaanermi aqutsisut arlaata ataani inissisimapput.

Tamatuma saniatiguut nunaqarfiit pingasut Sisimiuniit sullinneqarput. Nunaqarfinni sulisut aaqqisuussaanikkut qitiusumik immikkoortumi peqqissasutut pisortap ataani inissisimapput.

Maniitsumi peqqissaavik

Aqutsineq: Peqqissaavik peqqissaavimmi aqutsisumit aaqqissuussaanikkut qitiusumik immikkoortumi pisortat ataanni inissisimasumit aqunneqarpoq.

Peqqissaavik 55-it missaannik sulisoqarpoq.

Sulisut aaqqissuussaanikkut kiffartuussinermik aqutsisup imal. peqqissaavimmi aqutsisup ataani inissisimapput. Kiffartuussinermik aqutsisoq aaqqisuussaanikkut peqqissaavimmi aqutsisup ataani inissisimavoq.

Tamatuma saniatigut nunaqarfiit pingasut Maniitsumit sullinneqarput. Nunaqarfinni sulisut aaqqisuussaanikkut Maniitsumi peqqissaavimmik aqutsisup ataani inissisimapput.