Aqutsineq: Immikkoortoq qarasaasiarsornermi digitalinngorsaanermilu siunnersuisoqarfimmi pisortamit aaqqisuussaanikkut Peqqinnisaqarfimmi qullersat ataanni inissisimasumit aqunneqarpoq.

Immikkoortortaq qulit missaannik sulisoqarpoq.

Sulisut tamarmik aaqqisuussaanikkut qarasaasiarsornermi digitalinngorsaanermilu siunnersuisoqarfimmi pisortap ataani inissisimapput.

Suliassat: Qarasaasiarsornikkut aalajaatsumik isumannaatsumillu ingerlatsinissaq, annertuumik periarfissiisumik, ilinniagaqassutsimut tunngatillugu qarasaasiarsornermi sullississutinik tamanik napparsimasullu pillugit qarasaasiakkut allattugaatinut nalunaarsuiffimmik (EPJ) kinguneqarluartumik atuineq qulakkeerniarlugu, Peqqinnissaqarfimmi qarasaasiarsornermi sullississutinik ingerlatsineq inerisaanerlu immikkoortumit isumagineqarput. Tamatuma saniatigut digitalinngorsaasoqarpoq qarasaasiarsornermi teknologimillu atuinermi suleriaatsinik ingerlatsinernillu pisariillisaasoqarluni.