Aqutsineq: Suliffeqarfimmi kiffartuussineq qullersanut siunnersuisoqarfimmi pisortamit aaqqisuussaanikkut Peqqinnissaqarfimmi qullersat ataanni inissisimasumit aqunneqarpoq.

Immikkoortortaq 88-it missaannik sulisoqarpoq.

Immikkoortortat: Suliffeqarfimmi kiffartuussineq pingasunngorlugu immikkoortitigaavoq; igaffik kantiinalu, portørerit kiisalu eqqiaasoqarfik errorsisarfillu. Immikkoortortat taakku tamarmik immikkut immikkoortortami aqutsisumit aqunneqarput.

Immikkoortortami aqutsisut aaqisuussaanikkut suliffeqarfimmi kiffartuussinermut immikkoortortami qullersanut siunnersuisarfimmi aqutsisup ataanni inissisimapput.
Sulisut allat tamarmik aaqqisuussaanikkut immikkoortortani aqutsisut ataanni inissisimapput.

Suliassaq: Suliffeqarfimmi kiffartuussivimmi napparsimasut sulisullu nerisaqarnerat, eqqiaaneq, errorsineq, suliallu portøreqarnermut tunngasut- ilaatigut ambulancinik ingerlatsineq, napparsimasunik angallassineq, napparsimasunik illup iluani angallassineq, nakuuserniartoqarnerani kalerrisaarisunut ornigunnerit suliassallu allat napparsimasunut tunngasut isumagineqarput.