Kigutilerisoq aasianni

Aallarnissamut aalajangerneq sioqqullugu soorunami isumaliuutit ikinngillat. 

Sunaana akuerisimagiga? Paasisassarsiorluareerlunga, kigutilerisut allat Kalaallit Nunaanniittut oqaloqatigereerlugit taavalu Kalaallit Nunaata Sinniisoqarfianiit paasissutissanik nassinneqareerlunga piareersimalluarnerusutut misigisimalerpunga. Ornitassara Danmarkimiit atukkat ilisimasanniit allaaneruallaarnavianngilaq.

Suna tikippara? Suliffeqarfik nutaaq suleqatitaallu oqaluukkuminartut. Ulluinnaq nutaaq sumiiffillu nuna allamiittoq nutaaq. Assut nuanninaarsinaqaaq.

Suliatigut unammillertissimaqaanga. Ukioq manna aasianni kigutileriffimmi aqqutisutut atorfeqarninni saniatigut sulisunik aqutsisuuneq, kigutileriffimmik aqutsineq taavalu kigutilerinermi suleriaatsinik ilikkagaqarsimaqaanga. Suliat soqutiginartut amerlaqaat. Uanga kigutit mannguinik tunngasunik soqutigisaqarpunga, maanilu kigutit mannguanik suliaqarnissamut periarfissat amerlallutik. 

Kalaallit Nunaannukarnissamut takorluugaqartumut eqqaanngitsoorusunngilara aappaga suliffimmik nassaapallannera. Ilinnut aamma periarfissaariaannaavoq aappariittut aallassagaluarussi. 

Tikinnitsiinniit qaammatit tallimat qaangiussimalereerput, misigisimasagullu puuiunaatsut ikinngeqaat. Aneerumatuugaanni, nunakkut arpakkumasuugaanni Kalaallit Nunaat tassa aatsaat. Arferit najugaqarfitta eqqaani ingerlaartut angerlarsimafitsinniik itsuanisaartarpagut. Sumut qiviaraluaraanni imaq takussaavoq.

Aalajangerneq sunaluunnit eqqarsaatigilluaqqissaarneqartariaqarpoq, una aalajangersimaneq pitsaanerusinnaanngilaq

Massakkumut Kalaallit Nunaanni aasaq, seqineq tarrisaartoq, arsarnerit aperlaarlu misigeriikatappagut. Ukiumut kaperlamullu pissangavugut kisianni ujakkaarnissamut qilanaarpugut neriuppuguttaaq ataasiaq arlaleriarluunniit qimussersinnaassalluta. 

Imminut unammillerusukkuit, pissutsit nutaanut sungiussiaguit misigisaqarusukkuillu puiunaatsumik Kalaallit Nunaanukarit.

Christel, kigutilerisoq.