Narsarmi peqqissaasoq

Issittorsuarmiit inuulluqqusissut, aamma taama issitsiginngikkaluartoq. Qilammiit puiaqanngitsumiit seqineq qinngorpoq, pinngortitaq eqqanniittoq suli kusanarnerulertillugu. Manna kusanaqaaq. Igalaatsinniit iluliaminit takusinnaavagut, sumulluunniit qiviaraluaraanni imaq takussaavoq. Ullumikkut sulinngilanga. Pisuttuarama, sermersuaq, qaqqajunnat, taseq qaqqallu isigigakkit qiimmatsannanngitsuunngilanga. 

Inuit aallaaseqarlutik aqqusinikkut ingerlasarput. Siullermik takugama isumaqaraluarpunga sialussiuusoq, angut qanillimmat aatsaat takuara aallaasiusoq. Takusaq sungiusimananngitsuuvoq. 

Aaliangiussimavara ullumi neqitalimmik spaghettiliorniarlunga. Illoqarfilli neqeerussimallunilu tomateerussimammat allaanngulaarpara, mamanaarpakkalli. 

Oqaatsit sammilaarallartigit. Sapinngisara tamaat kalaallisut ilinniarniaaluppunga, unammilernaqaarli. Tunniutiinnarusunngilanga kukkunissarluni tunuarsimaarfiginagu. Taaguisarnerat nalunarpoq, nassuiaaniarnermullu oqaatsit atorneqartartut ikinngillat, massakkut oqaaseqatigiiliortarpunga oqaatsit ataasiakkat ajornaannerusut atorlugit. Kalaallisut oqalunniartarneq tigulluarneqartaqaaq, naak ilaatigut quiagineqartaqisoq. Massakkuugallaq, ilungersorluaraangama oqaatsit sisamat sapinngilakka: Qujanaq, illillu, takanna taaavalu takuss. Oqaatsit taajuminarpalussinnaapput, kisianni kalaallit oqaasii ilikkarniarnissaai ilungersunaqaat.

Piffissat ilaanni suliassakeriarluta ulapileriasaartarpugut. Ajasoorpunga napparmavimmeeqami suliarisinnaasagut assigiinngiaarlutillu amerlammata. Isummat pigiliutiinnarisimasakka allaanngorussuarput!

Maani atorfinni assigiinngeqisunik suliaqarpunga. Pinasuagassanut immikkoortortaqarfimmiippunga, immikkoortortaqarfinni taavalu nakorsaataasivimmiillunga. Ippassaq nakorsiaq arferniarluni kilersimasoq isumagivara. Arferniaq! Takorloorsimasinnaanngilara arferniamik nakorsiartitsissallunga, aatsaat Kalaallit Nunaannut pigama

Danmarkiliaqqilerpunga tamanartsipparali, tassami sumiiffik sumiikkaluartorluunniit nuannarilersimasaq qimakkuminarsisarami. Soorlu Hospice qimannialerakku. 

Kisianni ilaanni periarfissanik allanik qinaaseqqittoqartariaqartarpoq, kuulti sumiinnersoq nassariniarlugu. Narsarmi kuulti nassaaraara, oqatoqartaneratuut kuulti igiinnarneqarneq ajormat inuulluqqusinanga oqarusuppunga takuss. Soorunami takoqqissaagut. 

Mia, peqqissaasoq